الناس اللي من شدة رقة قلوبهم تبكي من أقل شئ وتضحك من أقل شئ . وتسامح من أقل شئ وتعطي من قلبها كل شئ .
نجد أنهم أكرم الناس فى بيوتهم .. لا تراهم يعرفون الأذى لا بالقول ولا بالفعل .. ” وبالبلدي مايعرفوش القنزحة ” لا بمال ولا بمنصب او حتى عيلة .
لا العجرفة ولا النفخة الكدابة ولا الفشخرة او المنظرة في دنيا أو حتى فى دين .
ظنهم جميل فى كل الناس لأن جواهم نضيف.
الطيبة رزق من ربنا بتخليك نقى من جواك .
راقى فى معاملاتك ، وصافى لكل الناس .
الطيبة سلوك . وأخلاق بتنور شخصيتنا ، وخير بينور قلوبنا .
الطيبة طبطبة علي مشاعر غيرك من غير مقدمات .
خلي قلبك أبيض واتمني الخير لغيرك هتلاقيه جالك أكثر منه .
ففى الحديث (حرم على النار كل هين لين سهل قريب من الناس )
الجنة طيبة لايدخلها الا الطيب
بقلم ـ فضيلة الشيخ الشرنوبي عبد الجواد
عضو مجلس قبيلة السادة الجوايدة الأشراف
حفظكم الله عمنا الشيخ ااشرنوبى
احسنت شيخنا الفاضل
جزاك الله خيرآ