الزمن الجميل .. شعر ـ محمد عرفة الجوايدي

انا نفسى ارجع لحظه

للزمن الجميل

واخد لو حتى فرصه

وادى لنفسى دليل

ان حياة الماضى

اجمل كتير من الحاضر

واللى تشوفه سعيد

عايش فيها وبيعافر

ياريتنى فضلت صغير

ولا اشلش هموم بالكوم

حتى الزمن بيغير

احداثه كل يوم

بيغير طبع الناس

الجدع بقى واطى

فى ناس تدوق م الكاس

تلاقيها بتطاطى

تمشى مع التيار

يرميها على كيفه

والجنه تصبح نار

ويعيشوا فى خريفه

زى الورق عالشجر

وقت الرياح بيطير

مش لاقى حتى المطر

ولا نسمه ولا فى عبير

زمان جميل بناسه

الطيبه والجدعنه

والحب ده اساسه

حتى اسالونى انا

شعر ـ محمد عرفة الجوايدي الشهير بـ تريكة